Gazte txartela duten gazteei igerilekua, museoak eta musika eskolako zerbitzuetan %5-10eko beherapena egiteko eskatu zion Gobernuak Udalari, baina udalak ez du onartu. Gazte txartela duten hamalau eta hogeita hamar urte arteko gazte guztiengan izango luke eragina neurriak eta hori ez dela neurri ekitatiboa uste du Baztango Udalak. Adin tarte arras zabala dela eta ez duela gazteen egoera sozioekonomikoa kontuan hartzen uste duelako. Udalak horren ordez, pertsona bakoitzaren egoerari egokitutak zerbitzuen ordainketa eskaintzeko ahalegina egiten dutela dio. Horrela, kasu batzuetan egoera ekonomiko txarrean dauden familietako kideei igerilekuko abonua doainik eskaini zaie edo musika eskolarako matrikuletan adibidez familia ugarikoei deskontua egiten zaie. Bertzalde, igerilekuan 14tik-17urte artekoei ere %25eko beherapena egiten zaie tarifetan. Eskaera eta kasuaren arabera egiten dira deskontuak.