Iruritako dantzarien trebezia agerian geratu da Iruritako dantza zati bat bideoan. Nazioen Munduak martxan jarritako herri ekimenarekin bat egin eta grabatutako bideoa sarean da. Dantza Zati Bat egitasmoaren asmoa, herri desberdinetako dantza taldeen bideoak jaso eta horiekin, Xabi Solano eta DZ-k Gazta Zati Bat dokumentalaren soinu bandarako sortutako "Mikel eta Loinaz" abestiaren bideoklipa egitea da. Iruritakoen "Dantza zatiaz" gain, Oriokoena, Lesakakoena eta Argentinakoena ikus litezke sarean.
Nazioen Munduak proposatutako Dantza Zati bat egitasmoarekin bat egin dute
Iruritako dantzariek grabatu eta interneten jarri dute beraien "Dantza zatia". “Gazta Zati Bat” dokumentalaren webgunean proposatzen dute herri desberdinetako dantza taldeek "Gazta Zati bat" dokumentalaren soinu bandako "Mikel eta Loinaz" abestia deskargatu eta bideo bat egitea, eta eskualdekoek beraien proposamena bidali dute. Azken helburua jasotako bideo guztiekin abestiaren bideoklip bat egitea da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun