Gaiak auzibideetan bidea eginen duela aurreikusita, Esteribarrek eztabaidan paratu dituen herri-lurrei buruz azterketa egitea erabaki du Udalak eta lan hori Eusko Ikaskuntzari eman dio, erakunde horrekin duen akordioa gogoan hartuta. Azterketaren kostua 5.200 eurokoa izanen da. Horretatik, 1.500 euro aipatutako akordioaren baitan ordainduak daude. 3 hilabete iraunen dute lanek. Udalak Baztango interesen defentsan ahalik eta argudio juridiko-historiko argienak eta sendoenak izateko txostena egitea beharrezkoa ikusten du.