Eguzkilore emakumeen taldeak denboraldi honetako ikastaroak prestatzeari ekin dio. Hainbat aukera eskainiko ditu aurten ere urritik maiatzera: erlajazioa astelehenetan 17:00etatik 18:30era urriaren 1ean hasita, yoga ortzegunetan 17:30etik 18:30era urriaren 4an hasita, Nire burua ezagutuz astelehenetan 17:30etik 19:30era urriaren 10ean hasita, yogilates asteartetan 18:00etatik 19:30era urriaren 2an hasita, dantzapilates ortzegunetan 18:00etatik 19:30era urriaren 4an hasita, eta konstelazio familiarrak izeneko ikastaroa ortziraletan 17:15etik 19:15era urriaren 5ean hasita. Irailaren 26a arte ematen ahal da izena.
Ikasturte honetako bertze hitzorduen berri ere eman du Eguzkilorek. Urriaren 8an kontserbak izanen dituzte hizpide, azaroaren 12an eutonia, abenduaren 10ean gazta egiteko urratsak, otsailaren 11n ogia egiteari buruz ariko dira, martxoaren 11n denboraren bankuaz, apirilaren 8an elikadura osasuntsu bati buruzko mito eta egiak izanen dituzte hizpide eta maiatzaren 13an baratzea eta lorategia. Kasu guztietan, 18:30ean bilduko dira Arizkunenean.