Protestak Barcinaren bisitaren harira

Yolanda Barcina Nafarroako Gobernuko presidentea bisitan izan zen Elizondoko bestetan. Bere etorrerak hainbat herritarren protesta eragin zuen. Baina protes­ta­r­e­kin bat egin zuten bi baztandarri salaketa ere paratu zion Foru Poliziak, Xabi Os­pi­­tal eta Itziar Torresi, hain zuzen. Eta bi hauei elkartasuna adiera­ziz, hainbat herri­t­a­rrek prentsaurrekoa eskaini zuten Barcina­ren bisitaren bi­haramunean. Prentsaurre­koan erran zutenez, lehendakari izanda, Barcina «Nafarroako Kutxa desagertu izanaren arduraduna da, hezkuntzan edo gizarte zerbitzue­tan egindako murrizketen erantzulea; osasungintza pribatura bideratutako dirulagun­tzak mantentzen dituen­ bitartean, osasungintza publikoa suntsitzen ari da; Gober­nuak­ onartzen dituen ERE guztien arduraduna da eta Ma­dri­len onartutako murriz­ke­ta neurriak aplikatzea­ren arduraduna ere bada». Gaineratu zutenez, «Nafarroako­ herritarrak jasaten ari den egoeraren erantzulea da, eta joaten den tokira joaten dela ere berarekin eraman beharko du ardura hori, baita herritarren artean sortzen­ ari den haserrea ere». Elizondoko protesta «espontaneoa­ eta baketsua» izan zela­ adierazi zuten eta ho­rren adierazle, «hain­bat adin, kondizio eta joeratako jendeak»­ parte hartu zutela. Aldiz, Barci­nak «bere kideen laguntzarekin, probokatzaile eta harrotasunez jokatu zuela»­ sala­tu zuten: «herritarren kontrako neurri klase guztiak­ hartzen dituzte eta gainera, poliziez inguratua egoteak ematen dien nagusikeriaz aurpegira irri egiten digute. Logikoa den bezala, guttieneko duintasuna duen edozeinek horrelako egoera batean protesta egiten du». Gainerako herriak «murrizketen­ eta horien ardu­radun diren politikari eta gobernarien kontra protesta egitera» deitu­ zituzten.