Xorroxin irratia pozik behikaka.com zozketaren erantzunarekin

Xorroxin irratiak antolatutako behikaka.com zozketa egin zen uztailaren 29an Elizondon laugarrenez. Aurten ere jende andana bildu zen eta Lore, Zagua eta Neke­ behiak izan ziren protagonistak, Agustin Arraztoa, Jokin Ramirez eta Juan Joxe Iñarrea behizainekin. Dena den, bertzelakoek ere izan zuten zer erra­nik: Bi­ttor Eliza­goien eta Jon Elizetxe bertsolariek, Xabi Ospital soinu teknikariak­ eta nola ez, be­hien­ jarduna komentatu zuten Joseba Otondo eta Julen Zelaieta Xorroxin­go­ esata­riek. Bi epaile aritu ziren guztia kontrolatzen, Mikel Altzuart­ eta Mikel Azkara­te, eta tek­nologia berrien laguntzarekin, guztia gainbegiratzen Juan Mari Aleman amaiur­tarra. Lehenbiziko saria Neke behiak banatu behar zuen, baina kaka egiteko­ gogo­ gutti eta 20 minutu igaro ondotik, kakarik ez zuela egin eta zozketa egin behar­ izan zen. 1. lerroa eta 45. zutabea zuen laukitxoa­ri egokitu zitzaion, Baztanda­rren Biltzarra egunean saldutako boletoari. Bigarren­ saria Lorek erabaki zuen. Sartu eta segituan egin zituen eginbeharrak­ 4. lerroan eta 98. zutabeko lauki­an. Boletoa Erratzuko Bestetan saldu zen. 3. saria Erdiz­ behiak banatu zuen, sartu eta berehala. 7. lerroa eta 51. zutabea zuen laukitxoa izan zen 3. sariaren irabazlea, Urdazubin saldua. Abuztuaren 29ra bitarteko epea zuten saridunek Xo­rro­xinera agertzeko eta bertzela, ondorengo 15 egunetan­ ordezko zenbakien jabeek izanen dute saria eskuratzeko aukera. Ordezko zenbakiak­ hauek dira: 1. saria: lerroa 14-zutabea 34, 2.saria: lerroa 14-zutabea 44; 3.saria: lerroa 4-zutabea 54.