Berandu bada ere, ezin aipatu gabe utzi uztailaren 21ean Amaiurren egindako ikuskizuna. Amaiur 2012. Haien ametsa gurea da ikuskizun arrakastatsua taularatu zuten, Nafarroako konkistan bizitza galdutako gudariei eskainia. Bi ordu eta laurdenean, 110 lagun inguru igaro ziren agertokitik, tartean abeslariak, bertsolariak, dantzariak eta antzerkigileak. Espreski paratutako harmailak bete eta sarrerak agortu zituzten 2.000 ikusleek txalo zaparrada batekin saritu zuten egindako lana. Bertzalde, zozketaren zenbaki saridunak hauexek dira: Ana Mª Marinen margolana 13.987; Xabi Oteroren argazkia 6.836 eta Joseba Buruskoren eskultura 10.829.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun