Azken lau urteotan Emakumezkoen Eskubaloi Liga irabazi duen Lizarrako taldeak eskualdeko ordezkari bat izanen du denboraldi honetan: Elisa Arretxea elizondarra. Baztango Kirol Taldean ibilitako pibota, beraz, Ohorezko Mailan ariko da lehendabiziko aldiz, Eduardo Izkierdoren erranetara.
Aste honetan eman du plantillaren berri Itxakok, Espainiako Superkopa hasteko egun batzuk baino falta ez direnean. Lizarrako taldeak aurredenboraldirik egin gabe hasiko du denboraldi berria, krisi ekonomikoak hala behartuta jokalaririk gabe egon baita. Larunbateko partidan Bera Bera taldea izanen du aurkari, Bidebieta kiroldegian 17:30etik aitzinera.