Asteburu haundia izanen da uztailaren 21 eta 22koa Baztanen. Alde batetik, uztailaren 21ean Nafarroako konkistaren 500. urteurrena gogoan Haien ametsa gurea da ikuskizuna prestatu dute Amaiurren. Eta bertzetik, Baztandarren Biltzarra Elkarteak ez du ekitaldirik gabe utzi nahi izan uztailaren 21a, eta Baztandarren Biltzarraren bezperan eta egun haundian besta giroa nagusituko da.
Uztailaren 21ean, larunbat arratseko 22:00etatik aitzinera Baztandarren Biltzarraren ostatua paratuko da Elizondoko plazan eta Mukaki Elektrotxaragarekin kale animazioa izanen da. 00:30ean hasita gaupasa izanen da Trikidantzen eskutik.
Halere, uztailaren 22a, igandea izanen da egun handia. Egun osoan, eskoletako haurren marrazkien erakusketa izanen da. 10:00etan artisauen erakusketa Pedro Axular Karrikan. 11:00etan orga apainduen desfilea abiatuko da. 14:00etan Mutildantzak Elizondoko herriko plazan. 14:30ean herri bazkaria Merkatuko Zelaian.
Ondotik, bazkalondoko jaialdia eginen da. 18:00etan dantzaldia Trikidantzen eskutik Laxoako Frontoian. 20:00 dantzaldia Laiotzen eskutik Laxoako Frontoian. 01:00etan DJ-ak (Tirry&Tery) Laxoako frontoiko Baztandarren Biltzarraren ostatuan.