Giltxaurdi SL enpresa publikoaren gerentea kontratatzeko deialdia egin du Baztan Balleko Udalak. Eskaerak Baztango Balleko Etxera bidali behar dira uztailaren 13ko 14:00ak baino lehen.
Gerenteak Elizondon eginen du lan, lanaldi osoan eta ordainsariari dagokionez, Nafarroako Foru Komunitatean kirol zerbitzuak eta ekipamenduak kudeatzen dituzten enpresen hitzarmen kolektiboaren arabera, lehenbiziko taldean sartuko da. Ikasketei dagokienez, goi mailako teknikati titulua (Goi Mailako Heziketa Zikloa) edota Unibertsitateko Titulua (Erdi mailakoa edota goi mailakoa), edo baliokideak. Norbere autoa eta B klaseko gida baimena izatea ere eskatuko da.
Lanpostuaren oinarrizko Kudeaketa Giltxaurdi Udal Kiroldegia kudeatzea izanen da. Hautaketa prozeduran, kurrikulumean prestakuntza espezifikoa, esperientzia eta kirol instalazioei buruzko ezagutza baloratuko da. Lehen haitaketa pasatu dutenei elkarrizketa eginen zaie eta Baztango Udaleko webgunearen bidez jakinaraziko zaie noiz eta non izanen den elkarrizketa.
Eskaerak zuzenean aurkez daitezke Baztango udalean (Foru Plaza z.g.; 31700 Elizondo). Xehetasun gehiago www.baztangoudala.eu webgunean eskura daiteke.