Joniko Berho bateriarekin eta ahotsean, Urko Baraibar baxuan eta Iker Plaza gitarrarekin eta ahotsean. Hiru lekaroztar hauek osatzen duten Su-etena taldeak Democrazya diskoa kaleratu du. 2011ko udan osatu zuten taldea eta azaroan ekin zioten maketa grabatzeari Saran, Iñigo Iratzoki beratarrarekin. Geroztik, inguruko ostatu eta gaztetxeetan kontzertu batzuk eskaini dituzte eta duela bi aste maketa argitaratu zuten, beraien lehendabiziko lana. Inguruko ostatuetan paratu dute salgai.
Kantak dohainik entzun daitezke Myspacen (www.myspace.com/suetena). Zortzi kantuz osatu dute maketa eta zuzenean grabatuak dira. Punk eta hardcore ukituko metal gordina estiloan kokatu dute beraien musika. Taldekideen asmoa ahalik eta kontzertu gehien ematea da, «ondotik bertze maketa bat grabatzeko, baldintza hobeagoetan».