Nafarroako Gobernuaren 2012ko Arte eta Kultura kanpainaren baitan, Baztango Kultura Batzordeak antolatutako udako zine zikloa uztailaren 2an abiatuko da. Ziklo honekin, Baztango herri ezberdinetan zinea euskaraz ikusteko aukera izanen da.
Honela, uztailaren 2an, astelehen arratseko 22:00etan “Chihiroren bidaia” jende ororendako filma ikusteko aukera izanen da Anizko frontoian.
Uztailaren 9an, “Ilargia berria, gainbehera saga” 12 urtetik goitikoendako filma ikusgai izanen da Elizondoko Merkatuko Plazan, 22:00etan.
Uztailaren 16an, “Hiru mosketariak” 7 urtetik goitikoendako filma eskainiko da Lekarozko frontoian, 22:00etatik aitzinera.
Uztailaren 23an, “Totoro auzokidea” jende ororendako filma ikusgai izanen da Arraiozko frontoian 22:00etan.
Abuztuaren 3an, azkenik, “Gartxot” jende ororendako filma ikusgai izanen da Amaiurko plazan 22:00etan.