Ekainaren 22an, ortziral eguerdiko 12:00etan eginen diren diana, txupinazoa eta gazteen luntxarekin abiatuko dira Arizkungo San Juan bestak. Beranduxeago, 13:00etan txopo goratzea eginen da eta 14:00etan bazkaria frontonean. 17:00etan Jinkana eta kantaldia izanen da Garazirekin. 19:00etan dantzaldia Trikiteens taldearekin. 21:30ean Baztanzopak. 23:30ean kontzertuak. 02:00etan berriz ere dantzaldia Trikiteens taldearekin eta lehen besta eguna behar bezala eakitzeko, 05:00etan ziztor jatea.
San Juan bezpera eta Haurren Eguna larunbatean
Ekainaren 23an, larunbatean, San Juan bezperarekin batera, Haurren Eguna ere ospatuko dute Arizkunen.
10:00etan dianak joko dituzte. 10:30ean haurrendako joku eta puzgarriak. 13:30ean haurren bazkaria. 14:30ean eskulanak izanen dira Amaia Zinkunegirekin eta haurrendako jinkana. 16:30ean Gorritiren ikuskizuna. 18:30ean txokolatada. 19:00etan Dantzaldia Trikidantz taldearekin. Ilunabarrean San Juan suak eta ezkil jotzea eginen dira. Ondotik antzerkia eta gero bokadilloak salgai izanen dira. 00:30ean dantzaldia Trikidantz taldearekin eta dantza ondotik indarrak berreskuratzeko, 05:00etan zingar jatea.
San Juan Eguna ekainaren 24an
Ekainaren 24a, igandea, San Juan egun handia izanen da. 10:00etan dianak joko dituzte. 11:00etan Meza Nagusia. 12:00etan Mutildantzak, haurren dantzak eta herriko luntxa. 18:00etan kantaldia Aire Ahizpekin. 20:00etatik 21:00etara dantzaldia Holako taldearekin. 20:00etan Mutildantzak eta gaita. Gauerditik aitzinera dantzaldia Holako taldearekin eta 05:00etan gasna jatea.
Astelehenean Zikiro Eguna
Ekainaren 25ean, astelehenean, Zikiro Eguna izanen dute Arizkunen. 10:00etan dianak joko dituzte. 12:00etan mus iñezture txapelketa jokatuko da. 14:00etan zikiro-jatea eginen da. Ondotik herri poteoa Eghoak txarangarekin. 19:00etan dantzaldia Joxe Angelekin. 22:00etan Mutildantzak eta gaita. Gauerdian, Gaixoa Ni eta txopo botatzea eginen dira, baina horren ondotik, gogoak dutenendako eta ez dutenendako bestak segituko duela gogorarazi dute Arizkunetik.