Akitu da aurtengo Nafarroako Goma Gaineko Lauko Sokatira Txapelketa, eta Amaiur ederki moldatu da. Gizonezkoen 320 eta 300 kilokoen kategorian parte hartu du eta txapela eta bigarren postua eskuratu ditu, hurrenez hurren.
320 kilokoen kategorian, zazpi talderen artean nagusitu da Amaiur, eta 14 puntu lortuta bertzeen gainetik dagoela erakutsi du. Bigarren eta hirugarren izan diren Ibardin eta Basaburua-Imotz taldeei lau puntuko aldea atera die.
300 kiloko kategorian, berriz, Berriozarko taldeak hartu dio aurrea Amaiurri, baina puntu eta erdiko aldeagatik. Sailkapen nagusian, zazpi talderen artean, Berriozarrek 13,5 puntu lortu ditu eta Amaiurrek 12 puntu. Hirugarren izan den Ibardin taldeak 9 punturekin gelditu da. Sailkapenean seigarren gelditu da Amaiurko bertze taldea, Amaiur Sokatira Taldea, hain zuzen, 4 punturekin.
Ez kadete eta ez emakumezkoetan ere, ez da eskualdeko talderik izan.