Maiatzeko berripaper elektronikoa kaleratu du Bilduk. Lekarozko kanpusaren harira dio, Udalak orain ez duela gaitasunik bertan deus paratzeko eta zerbitzu espezializatuen sektorera bideratua izanda, luxuzko poligonoa dela, «Baztanen egon daitezkeen beharrak asetzeko balio ez duena». Iruritan dauden Sagues fundazioaren sei bizitzaz ere ari da berripaperan. Bizitza horiek herritar batek Udalari eta herritarrei eman zizkien, ezinean ziren familiak laguntzeko. Bilduren hitzetan, Bidelagun elkartearen eskariari jarraikiz, «etxe horien kudeaketa guztiz desitxuraturik dagoela ikusi dugu eta, horregatik, horien erabilera zehaztu eta beharrean direnak laguntzeko irizpideak jarriko dira».