Berroeta eta Iruritako bestei lekukoa hartuz, Almandozko Bestaberri bestak ere laster ailegatuko dira. Bortz eguneko bestak antolatu dituzte ekainaren 6tik 10era.
Bestak hasteko, ekainaren 6an, asteazken eguerdiko 12:00etan txupinazoa botako da. 21:00etan Baztan-Zopak banatuko dira, Anjel Mari soinulariak alaituta.
Bestaberri Eguna ortzegunean
Ekainaren 7an Bestaberri Eguna ospatuko da. Honela, ortzegun goizeko 08:00etan Aurora Bixenteren konpainian eginen da. 12:00etan Meza Nagusia. 13:00etan luntxa eskainiko da. 16:30ean herriko gazteen arteko pilota partidak jokatuko dira. 19:00etan puzgarriak izanen dira eta 20:30ean patata tortilla lehiaketa.
Haurren Eguna ortziralean
Ekainaren 8an,ortziral goizeko 11:00etan haurrendako jokoak eginen dira. 16:30ean puzgarriak. 17:00etan mus eta partxis txapelketa jokatuko dira. 18:00etan txokolatada. 21:00etan herri afaria. Gauerditik aitzinera dantzaldia izanen da Trikidantz taldearekin eta goizaldeko 05:30ean zinger jatea.
Zikiro jatea larunbatean
Ekainaren 9an, larunbat goizeko 11:00etan mus txapelketako finalaurrekoak eta finala jokatuko dira. 13:00etan museko sarien banaketa eginen da. 14:00etan zikiro jatea. 17:00etan mariatxiak, Distrito Federalak taldearen eskutik.
Lehen Jaunartzea igandean
Ekainaren 10ean, igande eguerdiko 12:00etan Meza Nagusia eta Jaunartzea eginen dira. Uxoa Agerrek bakarrik eginen du aurten Lehen Jaunartzea. 16:30ean herri kirolak izanen dira herritarren artean. Herri kirolekin segituz, 18:30ean sokatira saioa izanen da eta aitak semeen kontra ariko dira. 21:30ean Gaixoa ni, aurtengoz Almandozko bestei adio errateko.