Emanaldiz emanaldi segitzen du Elizondoko Abesbatzak, ttikienak zein helduenak. Maiatzaren 12an, Agoitzen izan ziren abesbatza ttikiko kideak Agoizko San Migel koro ttikiaren 25. urteurrenaren harira, eta ordukoa da argazkia. Helduek, berriz, Zigako elizan kontzertua eskaintzekoa zuten maiatzaren 26an. Eta igande honetan, ekainak 3, Elizondoko abesbatza ttikiak Amaiurren kantatuko du. 19:30ean izanen da kontzertua eta ikasturte honetako lana erakutsiko diote jendeari, Kristina eta Maki Urtasunen gidaritzapean. Aipatzekoa da joan den abenduaz geroztik, hainbat emanaldi eskaini dituztela abesbatza ttikiko neska-mutikoek: Iruritan, Urruñan, Lesakan, Agoitzen... Ekainean Amaiurren eginen dute eta uztailaren 17n Elizondon, eta horrela, hilabete batzuetarako atsedena hartuko dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun