Baztango historia eta ondare arkitektonikoaren inguruko jarduerak eginen ditu Dorrea Elkarteak

Dorrea elkartearen aurkezpena egin zuten maiatzaren 18an Iruritako Jauregian­. Lehenik doako bisita gidatua egin zen jauregi dotorean eta gero elkartearen aurkezpena. Dorrea elkartean Baztango historia eta ondare arkitektonikoa eta etxegintza tradizionalaren informazioa jaso, ikertu, hausnartu eta irakatsi nahi dira, baita ondare arkitektonikoarekin lotura daukaten jarduerak egin eta ondare historikoarekin eta kultura orokorrarekin zerikusia dutenak ere, zonaldeko­ entitate publiko eta pribatuekin batera, erakusketak, kontzertuak eta ekitaldi kultural orokorrak bultzatu nahi duen elkartea da. Dorrea Elkarteko Pello Iriartek eman zuen elkartearen berri, baina informazio gehiago nahi duenak bloga ere badu elkarteak: http://dorrea.blogspot.com.es.