Herrira mugimenduak aurkeztutako mozioaren puntu hauek onartu zituen Udalak maiatzaren 3ko ez-ohiko osoko bilkuran: alde batetik, espainiar estatuan ezartzen den 197/2006 doktrina bertan behera uzteko eta zigorra bete duten presoak askatzeko eskatu du Udalak, de facto aplikatzen den bizi osorako zigorra bertan behera uztea». Gisa berean, frantziar estatuan ezartzen den bizi osorako zigorra bertan behera uzteko ere eskatu du, «baldintzapeko askatasunei bide emanez».
Zigorraren biherenak edo hirulaurdenak beteak dituzten presoak kaleratzeko ere exijitu du eta gaixotasun larriak dituztenak askatu eta bertzelako gaixotasunak dituztenak egoki zaintzeko ere bai. Bi estatuen espetxe-politika egokitzea ere nahi du Udalak eta Joxemiel Gaztelu (Algeciras, Cadiz) eta Iñaki Erro (Almeria) preso elizondarrak dauden kartzeletako zuzendariei eta Zigor-erakundeei erabaki hauen berri emanen dien gutuna bidaliko die.