Nafarroako konkistaren 500. urteurrena dela eta, besta egun haundia antolatu dute Tolosan (Gipuzkoa) maiatzaren 26rako eta baztandarrak gonbidatu egin dituzte. Gainera, goizean Tolosako udaletxean Baztango Udalari eta Amaiurko herriari harrera eginen diote eta ondotik, haur parke bati Amaiur parkea paratuko diote izena.
Gainerakoan, egun guztiko besta izanen da gaitero, Musika Banda, fanfarre eta txarangarekin. Eguerdian herri bazkaria eginen da, arratsaldean dantzak izanen dira eta gauez kontzertuak Errugabe, Kaskezur eta Ufestuek taldeekin.
Harat joateko autobusa antolatu da: Amaiurtik 09:00etan aterako da eta 09:15ean Elizondotik. Autobuserako eta bazkarirako izena Amaiurko Santxonean eta Elizondoko Fantxiken eman behar da. Tolosatik etxera bueltan 18:30an abiatuko dira.