Maiatzaren 16an, asteazken eguerdiko 12:00etan botako den txupinazoarekin abiatuko dira Iruritako Salbatore bestak, eskualdeko herrietako urteko lehen bestak. Txupinazoarekin ondotik, herri-buelta eginen da Baztango gaiteroekin.
Besta bezperako egitaraua osatzeko, 16:00etan haurrendako herri kirolak izanen dira. 18:00etan Merendue. 18:30etik 20:30era dantzaldia Iñakirekin. 20:00etan ezkil-jotzea. 21:00etan Baztanzopak. 01:00etatik 04:00etara dantzaldia karpan iñakirekin.
Salbatore Eguna ortzegunean
Maiatzaren 17an, ortzegunean, Salbatore Egune ospatuko da. 10:00etan Dianak joko dira. 11:00etan Meza Nagusia. 12:00etan Herriko dantzariek erakustaldia eskainiko da. 13:00etan Luntx Herrikoia izanen da. 17:30ean Trinketeko V. Esku pilota txapelketako finalak jokatuko dira. 19:30ean Rantxerak aditzeko, kantatzeko eta dantzatzeko modua izanen da Los Tenampas taldearekin. 22:00etan gaiteroen txanda izanen da eta 00:30etik 04:00etara Dantzaldia JOSELU ANAIAK taldearekin.
Ortzilerian, haur eta jubilatuen eguna
Maiatzaren 18an, ortzilerian, Haur eta Jubilatuen egune ospatuko da. 10:00etan Dianak joko dituzte baserrietan. 11:00etan haurrendako jokuek Erreboteko plazan. 13:30ean haurrendako bazkarie karpan. 14:00etan Jubilatuen bazkarie Olari jatetxean eta Gazte bazkarie Baigorrin. 15:00etan Haurrentzako jokuek. 18:00etan Txokolatada. 20:00etan dantzaldia Aierrik taldearekin. 21:30ean gaiteroak. 23:00 konzertuek karpan. 01:00etatik 04:30era dantzaldia Aierrik taldearekin.
Zikiro jatea larunbatean
Maiatzaren 19an, larunbat goizeko 10:00 dianak izanen dira txarangarekin. 11:00etan musika tresnen fabrika. 12:00etan Euskaraokea. 12:00etan Aranabiako pala goma txapelketako finalak jokatuko dira. 14:00etan Zikiro-jatea eginen da Julio Soto eta Sustrai Colina bertsolariekin eta fanfarrearekin. 20:00etan Trikidantz taldearekin dantzaldia izanen da. 21:30ean gaiteroak. 01:00etatik 05:00etara Gaupasa Trikidantz taldearekin.
Haur krosa eta herri lasterketa igandean
Maiatzaren 20an, igande goizeko 10:30ean Haur krosaren bosgarren edizioa jokatuko da. 11:00etan Meza Nagusia. 11:30ean IV. Herri Laisterketa eta ondotik sari banaketa eta luntxa partehartzaileendako. 18:00etan dantza erakustaldia Lesakako Tantirumairu Euskal Folklore taldearekin. 19:30etik 21:30era Aierrik taldearekin dantzaldia. Ondotik afarie inderrak gelditzen zaizkienendendako eta besten akabaila.