Maiatz hasieran, hainbat kultur ekitaldi izanen dira. Ortziralean, hilak 4, Gure bide galduak helduendako antzezlana ikusgai izanen da Iruritako Gizarte Bilgunean, 19:00ean. Eta igandean, Kantiruki taldearekin kantaldia izanen da 19:00etan Elizondoko Arizkunenean.
Maiatzaren 7an Idazleekin Solasean ekimenaren barne, Harkaitz Cano gonbidatu du Erratzuko Kultur Taldeak eta Twist liburuaz ariko da, 19:30etik aitzinera.
Maiatzaren 10ean Aroztegiari buruz solasaldia eginen da 19:30ean Arizkunenean, Aroztegia eta gero zer? taldeak deituta.
Hilaren 12an, Ttuku Ttuku salsa dantza latinoen erakustaldia izanen da Elizondoko plazan 17:00etan.
Maiatzaren 18an Museoen Nazioarteko Eguna dela eta, hainbat ekimen izanen dira. Tartean, Baztango ondare historiko eta arkitektonikoen lagunen Dorrea elkartea aurkeztuko dute.