Espainiako Auzitegi Nazionalak onartu egin du Ernesto Praten abokatuek haren espetxeratzearen kontra paratutako helegitea eta 25.000 euroko fidantzapean libre gelditu zen apirilaren 13an. Aldizkari honen edizioa ixtear zela jakinarazi zuten berria eta hori zen lerro hauek idazterakoan azken ordukoa.
Frantziako Poliziak urtarrilean atxilotu zuen Prat Urruñan, eta Paueko Auzitegiak otsailean erabaki zuen Espainiaratzea. Geroztik Madrilen egon zen, joan den ortziralean aske gelditu zen arte.