Maite Iturre zinegotziak ez dituela ordezkatzen dio NaBai 2011ko ‘babes taldeak’

«Publikoki garbi eta irmoki adierazi nahi dugu, inongo kasutan, ez ekintza eta ez erabakietan ere, ez garela Maite­ Iturre Llano NaBai 2011­ko udal zinegotziarekin ordezkatuak sentitzen udaletxean». Halaxe dio Baztango NaBai 2011ko Babes Taldeak prentsara igorritako oharrak.

Maite Iturrek «zinego­tzi kargua hartu duenetik izan duen portaerak eta NaBai 2011ko botoemaile eta jarrai­tzai­leen kontsulta eta zalan­tzek» eraman dute NaBai 2011 oharra kalera­tzera. Alderdiaren arabera, zinegotzi sar­tzeko erabakia «erabat pertsonala eta alde bakarrekoa izan da eta ez da taldean­ eztabaidatua izan». Gisa berean, «hartu dituen erabakiak­ eta bere boto joerak bere kriterio partikular eta esklusiboan oinarritutakoak izan direla», azaldu du NaBai 2011k, «taldean informazio, kon­tsulta edo eztabaidarik egin gabe».

Hori dela eta, NaBai 2011ren babes taldeak erran du «orain arte Itu­rrek hartu dituen eta etorkizunean hartuko dituen erabakiak eta emanen dituen botoekin ez dela bat etorriko eta ez dela horien erantzule egiten». Eta azpimarratu dute, erabaki eta bo­toak­ Itu­rreren «kriterio pertsonal eta propioaren arabera hartuta­koak» direla.

Alderdiaren «akordio, erabaki eta jarduera erreal­ eta ofizialak tal­dean­ eta lan-bileretan parte hartuz hartzen direla» jakinarazi du NaBai 2011k, «gehiengoari eta taldekideen kriterio orokorra errespetatzeari lehentasuna emanez». Hasieran alderdian onartu eta erabaki zuten proiek­tu soziopoliti­koa­ren alde lanean segituko­ dute­la ere gaineratu dute, «orduan adie­­razitako prin­tzipioe­kin leialak izanez eta Baz­tan eta baz­­tan­darren interes oroko­rren defen­tsan».

Iturreren erantzuna

Maite Iturre zinego­tziak bertze ohar batekin erantzun dio NaBai 2011k argitaratutako ida­tziari, erran duen bezala­, «nik jakin gabe komunikabideetara igo­rri­tako Aclaración de Baz­tango Nafarroa Bai 2011 izenburuko idaz­kiari», alegia­.

Zinegotzi kargua «erantzukizun eta koherentzia politiko printzipioetan oinarrituta» hartu zuela dio Iturrek. Eta gaineratu duenez, «ze­rrendaburua zein­ hau sinatzen due­na (hauteskunde-zerrendako bigarrena, Itu­rre bera) izan ginen Baztango NaBai 2011ko hautagai baka­rrak kanpainan hauteskunde programa publikoki defendatu genuenak». Horrekin batera, zera dio Itu­rrek: «programa hori demokratikoki hautatu nauten, eta ondorioz, ordezkatzen ditudan boto-emaileekiko hartutako konpromisoa da. Eta progra­ma hori da, hain zuzen ere, kargua har­tzean berretsi dudana». Bere helburua bailararen alde lan egitea dela azpimarratu du, «eta ez kontrol edo botere ika-mike­tan sartzea, nigandik desmarkatzen direla dio­te­nek nahi duten bezala». Bere irudiko, «autoizendatutako Baztango NaBai 2011 taldeak prentsara igo­rritako idazkiak zenbait per­tso­nen, gehienak aitzi­neko udal gobernuko kideak, hauteskundeetako hondamendia eta dagoeneko zerrendaburua kaltetu zuen hau­tagai­tzako pertsona be­rriekiko jazarpen estrategiaren porrotaren ondoriozko inpontentzia agerian uzten du».

Iturrek «tamalgarri­tzat» jo du «GeroaBaiko­ jarraitzaileek Baztango NaBai 2011ren izenaz harroki baliatzea gezu­rrak botatzeko eta iritzi publikoa nahasteko maia­tzeko hauteskundeetan aurkeztutako hauteskunde programaz eta hautagaitzaz arn­e­ga­tuz». Hori dela eta, idatziaren egileei dei egin die «argi eta garbi erran dezaten nortzuk diren, zein proiektu politikotan dauden eta zein­ ‘proiektu soziopolitiko’ defendatzen duten». Itu­rrek Baztango NaBai 2011ko Aralarreko zinegotzia dela gogoratu du eta gisa be­rean, «bere jarduera publikoan hauteskunde-kanpainan aurkeztutako programa defenda­tzen duela eta defendatuko duela» adierazi du.