Diru publikoaren kudeaketa ahalik eta eraginkorrena izan dadin lanean ari dela oroitarazi du Udalak ohar bidez. Bide horretan, aurtengo aurrekontuetan gastu arruntaren sailean 100.000 euro aurreztu ditu. Gisa berean, Udalak urtero kontratatzen dituen erantzukizun zibil eta eraikinetako aseguruetan, aitzineko urteetako kontzeptuak mantentzeaz gain, berriak sartu dituela jakinarazi du. Eta hala ere, 16.676,10 euro aurreztu ditu:«2010ean aseguru guztiengatik 60.576,10 euro ordaindu baziren, aurten 43.900 euro ordainduko dira», adierazi du Udalak.
Aseguru hauetan aitzineko eraikin guztiak barrenean sartu direla dio Udalaren oharrak. Bertzalde, igerilekuari dagokionez, haren asegurua kudeatzen duen enpresak ordaintzen duela gogoratu du. Horrez gain, azaldu nahi izan du Continente deitzen den kobertura etxebizitza bat eraikitzeko erabiltzen diren materialek osatzen dutela (egitura, paretak, ateak, leihoak, elektrizitate eta bertze istalazioak...) eta 24.525.343tik 24.962.723ra igan dela. Eta Contenido delakoa, hau da, etxe barreneko ondasun higigarriak eta ez eraikigarriak (altzariak, oheak, lanparak, kortinak, etxe-tresna elektrikoak...) 1.792.752 eurotik 2.770.693ra igan da.