Munduko buruz buruko pala txapelketaren finaleko atarian gelditu zen Xabi Ibargarai erratzuarra, baina podiumeko azken koxkara igotzea lortu zuen apirilaren 14an, larunbatean Bilboko Bizkaia pilotalekuan hirugarren posturako lehia Urkijori doi-doi irabazita.
Erratzuko atzelariak bortz set edo joko behar izan zituen Urkijo menpean hartzeko. Lehenbizikoan Urkijo nagusitu zen, 10-7. Bigarrena eta hirugarrena erratzuarrak irabazi zituen, 9-10 eta 7-10, baina laugarrena berriz ere Urkijoren alde joan zen, 10-6. Beraz, azken set erabakigarrira ailegatu ziren, eta bederatzina berdindu ondotik, hondarreko tantua Xabi Ibargaraik lortu zuen, 54 minutuko lehiaren ondotik.
Final handian, berriz Pablo Fustok hiru setak irabazi zizkion Lujan-i, 8-10. 2-10 eta 8-10.