Baztango emaztekien frontenis txapelketako azken partidak jokatu ziren martxoko laugarren asteburuan Iruritako Aranabia pilotalekuan eta Edurne eta Itxaso izan dira txapeldun.
Lehenik, hirugarren eta laugarren postua erabakitzeko lehia estua jokatu zen eta azkenean, Begoña eta Nereak tantu bakarrarengatik, 30 eta 29 irabazi zieten Idoia eta Kristinari. Finala ez zen hain estua joan, baina izan zuen bere emozioa. Azkenean, Edurne eta Itxasok 30 eta 26 irabazi zieten Mari Jose eta Amaiari.
Ondotik, Elizondoko Eskisaroi jatetxean egindako bazkarian 40 bat lagun bildu ziren. Orain Iruritako frontenis txapelketa hasiko da, eta finala Iruritako bestetan jokatuko da.