Aziendak, artisau lanak eta etxeko produktuak etxetik edo baserritik karrikara ateratzeko, apirilean egiten den hitzordu nagusia gainean da. Apirilaren 13an, ortzirala, eginen da Udaberriko Feria. Udalak, Bertizko Partzuergo Turistikoaren, Elizondoko Herriaren eta Cederna-Garalur elkartearen laguntzarekin antolatu du eguna.
• 10:00etan azienda feria Merkatu Plazan. Ahari lehiaketa ere eginen da.
• 10:00etatik 13:30era eta 17:00etatik 19:00etara artisautza eta bertako produktuen azoka Foru Plazan.
• 11:00etan txistulariak.
• 12:00etan Baztango dantzarien saioa.
• 12:30ean Baztan-Zopak dastatzeko aukera.
• 13:30ean sari banaketa Merkatu Plazan.
• 17:00etatik 20:00etara udaberriko birziklatze tailerra eginen dute haurrendako.