Xabi Ibargarai Erratzuko palista Munduko buruz buruko txapelketako finalerdietako ligaxkan sartu da lehen aldiz eta ezuste ederra eman du. Horretarako hiru kanporaketa gainditu behar izan ditu, azkenekoa, lau aldiz txapeldun izana den Gaubekaren kontrakoa.
Lehenbiziko kanporaketan Vegari irabazi zion, bigarrenean Garmari eta hirugarrenean koadroko rankingean lehendabizikoa den eta Munduko txapeldun lau aldiz izan den Gaubeka kanporatu zuen ustekabean, Elizondon.
Finalerdietako ligaxkan atzelari bakarra izanen da Ibargarai eta lehendabiziko partida martxoaren 16an jokatzekoa zuen Sestaon Urkijoren aurka.