Martxoaren 8a, Emakumearen Nazioarteko Eguna denez, hainbat ekitaldi antolatu dira Baztanen. Gaztetxean, adibidez, ortzegun honetan, Nahaste borrastri antzezlana ikusteko aukera izanen da, 20:00etan gaztetxean. Ortziralean, hilak 9, Ikusezina ikusiaraziz: neska edo mutila izatearen ondorioa izenburupean eztabaida izanen da, 18:00etatik 21:00etara. Eta larunbatean 19:00etan kalejira abiatuko da eta 21:00etan afaria eginen da gaztetxean, 10 euroren truke. Ohiko tokietan eman beharko da izena. 23:00etan AFUrekin kontzertua izanen da.
Eguzkilore Emakume Elkarteak, bere aldetik, film emanaldia antolatua zuen asteazken honetarako, martxoak 7, Criadas y señoras, 18:30ean, San Francisco Javier ikastetxean. Ondotik, Bidelagunen egoitzan, merendu-afaria.