Maita nazazu gutiago, goza nazazu gehiago lelopean Iruritan eskuaraz eguna dute iruritarrek martxoaren 24rako, larunbata. Hainbat ekitaldi izanen dira arratsaldean hasita.
17:00 aldera, herriko dantzariek erakustaldia eskainiko dute. 18:30ean hasita, Julio Soto, Amets Arzallus eta Iñaki Aleman bertsolariak kantuan ariko dira. Ondotik, 20:00etan, Anje Duhalderekin kantaldia izanen da eta 22:00etan afalordua. Bokatak eginen dira nahi duenak bertan afal dezan. Fanfarreak alaituko du afalorduko tartea.
Egunari bukaera emateko, 23:30etik aitzinera, kontzertuak antolatu dira: Ufestuek, Bizardunak eta Trikidantz taldeek joko dute.
Aipatu, egun guztian Elizondoko FanfarRE-MI-FAk alaituko dituela herriko xoko guztiak. Sarrerak 12 euro balio ditu.