Otsailaren 23 eta 24 bitartean egin da Perthen (Eskozia) kluben arteko munduko sokatira txapelketa. Aipatutako txapelketa horretan Amaiur Kirol Taldea hirugarren postuan gelditu da 560 kiloko kategorian, brontzezko domina lortuz. Gainera, txapelketa mistoan ere hirugarren izan zen, Sakanako neskekin batera.
Lorpen horiek goraipatzeko eta eskertzeko Baztango Udalak harrera ofiziala eginen dio Amaiur Kirol Taldeari martxoaren 2an, ortziral arratsaldeko 19:00etatik aitzinera Baztango Udaletxeko Batzar Nagusiko aretoan.