Hilabetean behin elkar(g)uneak antolatzen segitzen du Eguzkilore emakumeen taldeak. Hilabeteko bigarren astelehenetan izaten dira Arizkunenea Kultur Etxeko bigarren solairuan, 19:00etatik 20:30era. Gai zehatz bati lotutako jakintzak elkar trukatzeko uneak antolatzea dute helburu, gisa honetara, gaiarekiko interesa dutenak elkartu eta ongi pasatu bidenabar ikasiz. Elkar(g)une hauek dohainik dira.
Hurrengoa martxoaren 12an izanen da eta baratze ekologikoaz ariko dira, familia baratzea lantzen duen Joseren eskutik. Maiatzaren 14an, berriz, udan osasuna bizkortzen gaiaz ariko dira, Mirentxu medikuarekin. Horiek baino lehen, neguan, puntu-egiten ikasi dutenek elkartzeko asmoa dute, arroparen bat egiteko edo.