Udala mugikortasun arloan egiten ari den kanpainaren haritik, eta herriguneetan autoen abiadura moteltzeko, hainbat tokitan badenak egiteko eskatuko dio Tokiko Gobernu Batzordeak Nafarroako Gobernuari. Puntu hauetarako egin da eskaera: Oronozen farmazia parean, mediku kontsultategiaren parean eta elizako atearen parean; Iruritan Arraioztik Elizondora bidean malda hasieran, plazan, farmazian eta Iruritatik Lekarozerako bidean; Arizkunen plazan; eta Erratzun Aleman zerrategiaren parean, Baigorrirako bidean herritik ateratzeko zubian, eta Gorostapolon, eskola parean.
Bertzetik, Bagordiko zabortegian lorategietako erresto eta hondakin bejetalak botatzez gain, edozein obra-hondakin eta zabor botatzen dela ikusita, Bagordiko zabortegia zirga batekin ixtea erabaki du Tokiko Gobernu Batzordeak. Hartara, baimenak dutenek lorategietako hondakinak bota ahal izanen dituzte. 1.500 eurotan eginen da.