Baztango bailarari bereziki, baina baita Xareta, Bertizarana, Malerreka eta Bortziriak-i eskainitako www.valledebaztan.com web orri berritua martxan da. Herriak, turismoa, aktibitateak, kultura, alojamenduak, argazkiak eta bertzelako berriak eskainiko ditu, gazteleraz eta eskuaraz, baita Baztanen eginen diren ekitaldi eta jarduera garrantzitsuenen berri eman ere. Ondotik, berriz, argazki eta bideoekin ilustratzeko asmoa du. Eskualdeko baliabide turistikoen berri ere eman nahi du.
Interneteko helbide honen pean, Baztan Jaime Viguriaren eskutik web orri pertsonala egon da gaur egun arte, Baztango informazioa sarean zabaltzeko. Orain, ordea, Eskiz Informatikak-en laguntzarekin, berritua gelditu da eta «Baztan-Bidasoko erreferentziazko informazio gune izatea du jomuga».