Zuhaitzak landatzeko auzolanerako deia egin du Elizondoko herriak igande honetarako, hilak 12. Hasiera batean, otsailaren 5erako egina zuen deialdia, baina joan den astebururako iragarritako eguraldi txarra tarteko, astebete gibeleratzea erabaki zuten alkate eta kargodunek. Halaxe baieztatu zigun Xabi Torres alkateak. Igandean, 09:30ean egin dute hitzordua plazan, eta aitzurra eramateko eskatu dute. Zuhaitz landaketa Ermitegi inguruan, Urballoko bidean eta Bentako Borda aldean eginen da. Lanaren truke, gosaria emanen da.