Baztango Txaruta Pilota Elkartea kontent gelditu da 2011ko emaitzekin, onak izan baitira.
Nafarroako Kirol Jokoetan, gazteen mailan txapeldun izan zen Arkaitz Untxalo buruz buru, eta kimuen B mailan binaka Ariztegi eta Elizondo. Horiez gain, azpitxapeldun izan ziren Trantxe eta Begino gazteen B mailan, Antso eta Oskoz haurretan eta Albiasu eta Begino kadeteetan. Finalerdietan gelditu ziren Merino eta Gaskue haurren B mailan, Apeztegia gazteetan eta Zaranton-Jauregi helduetan.
Belateko Ligan bortz txapel lortu zituzten: Ariztia eta Etxeberek ttikietan, Larralde eta Ariztegik umeetan, Elizondo eta Barrenetxek kimuetan, Irazoki eta Gazteluk haurren B mailan eta Antso eta Oskozek A mailan. Albiasu eta Trantxe azpitxapeldun izan ziren kadeteetan.
Zizur Nagusiko lau t’erdikoan, Xabi Arraztoa nagusitu zen helduetan eta finalerdietan gelditu ziren Mikel Ariztia, Oier Ariztegi, Enaitz Antso, Iker Espelosin eta Sergio Oskoz.
Barañaingo txapelketatik txapelekin etorri ziren Ariztia eta Etxebere ttikien mailan eta Albiasu eta Begino kadeteetan. Zaranton eta Jauregi azpitxapeldun izan ziren helduen kategorian.
Lizarran Enaitz Antso eta Iker Espelosinek irabazi zuten haurretan eta Untxalok gazteetan.
Burlatako Udako Torneoan, Oskoz haurretan eta Apeztegia gazteetan txapeldun izan ziren. Apeztegiak Abadiñoko txapela ere jantzi zuen. Usurbilgo txapelketan, helduetan azpitxapeldun izan zen Toni Uharte.
Irurtzungo txapelketan Enaitz Antso eta Iker Espelosin txapeldun izan ziren haurren mailan eta Untxalo kadeteetan.
Lazkaon, helduetan txapeldun izan zen Gaizka Otxandorena eta Antiguoko txapelketan azpitxapeldun izan zen.
Oreretan, gazteen kategorian txapeldun izan zen Joseba Apeztegia.
Gasteizko Txukun Lakua txapelketan, Ariztegik irabazi zuen umeetan eta Gaskuek kimuetan. Haurretan azpitxapeldun izan zen Oskoz.
Donostiako Aste Nagusiko torneoan, Larralde eta Ariztegi txapeldun izan ziren umeetan, Antso eta Oskoz haurretan eta Untxalo kadeteetan.
Lezoko txapelketan, G. Otxandorenak irabazi zuen helduetan eta J. Apeztegia azpitxapeldun izan zen gazteetan.
Bortzirietako txapelketan, azkenik, txapela eskuratu zuten Ariztiak eta Etxeberek umeen mailan eta Antso eta Espelosinek haurretan.