Urte berriarekin batera, 2012ko irteerak zehaztu ditu Baztango Mendigoizale taldeak. Aurten, orain arte, Elizondotik Egozkuerako bidea egin dute, Arizkundik Burgara bertze mendi irteera bat ere bai eta Beintza-Labaienera ere egin dute ateraldia. Igande honetan, berriz, urtarrilak 29, Azpilkuetatik abiatuta Alkurruntzera joanen dira, 08:00etan aterako dira.
Otsailaren 5ean Berroetatik aterata Abartanera joanen dira; hilaren 12an Burkaitzetik Zubirira eta 26an Oronoztik Oteixonera.
Martxoaren 3an Astigarragara joanen dira; hilaren 11n Burkaitzeatik Egurtegira; 18an Artzamendira; 25ean Amaiurtik Otsondora (Baztango XIX. Mendi Itzuliaren zati bat).
Apirilaren 1ean Urriztitik Antsastegira joanen dira (mendi Itzuliaren zati bat); hilaren 15ean Hondarribiara; 22an Telleritik Arranomendira (mendi itzuliaren zatia); eta 29an Erratzutik Baigorrira (Nafarroaren Eguna).
Maiatzaren 6an Lizarmeakatik Azkarrera eginen da bidea (mendi itzuliaren zatia); 13an Amaiurtik Senperera; 20an Arantzako Mendi Itzulia eginen da eta 27an Baztango XIX. Mendi Itzulia, Amaiurren abiatu eta akituko dena.
Ekainaren 3an Artikutzara ateraldia antolatu da; 10ean Baztan Herriz Herri irteera eginen da Almandoztik Arizkunera eta 17an Lesakako Mendi Itzulia egitera joanen dira.
Udan atseden hartu ondotik, azaroaren 4an Lekaroztik abiatuta Unbotora joanen dira; 11n Almandoztik Gartzagara; 18an Elizondotik Auritzera eta 25ean Baigorritik Munoara.
Abenduaren 2an Negusaroitik Erdizera joanen dira; 9an Altzarrekatik Urrizpilotara; 16an Etxeberrikobordatik Harrikulunkara; 23an Lekaroztik Legatera; 30ean Arizkundik Auzara.
Aldaketak aitzinetik www.baztangomendigoizaleak.org webgunean jakinaraziko da.