Hasia da Baztango inauteri besta. Urtarrilaren 13an eta 14an Anizen eta 21ean Berroetan egin zuten inauterien seinalea, batean eta bertzean etxez-etxe ibiliz. Bi herrietako inauteriak elkarrekin ospatu zituzten Aniz eta Berroetako gazteek, elkartean egindako gosariarekin hasiz eta afariarekin akituz. Zigakoak ere laster izanen dira, otsailaren 10ean eta 11n ospatuko dira inauteriak, etxe eta baserrietara bisita eginez. Bertzetik, Gizakunde otsailaren 4an izanen da. Gareak, txistua, hartza, sagardantzariek eta mozorroek Arizkundik abiatuz Erratzurako bidea hartuko dute. Erratzun itzulia eman ondotik, Etxelebertzeko elkartean afaria izanen dute. Dagoeneko mozorro eta sagardantza tailerrak martxan daude otsailaren 4koa besta borobila ateratzeko. Orakundeak ere otsailean izanen dira, hilabeteko hirugarren asteburuan hasita.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun