Komunitate-dinamizazioari eta turismoa suspertzeari buruzko enplegu-tailerra lantzen ari dira Donezteben. Enplegu-tailerra azaroan hasi zen, eta 2012ko apirilera arte luzatuko da. Nafarroako Gobernuak Nafarroako Enplegu Zerbitzuaren bitartez bultzatutako eta finantzatutako prestakuntza eta enplegu-tailerra da, Cederna Garalur Elkarteak sustatua, eta Espainiako Enplegu Zerbitzu publikoaren eta Europako Gizarte Funtsaren baterako finantziazioarekin. Bidasoako lau toki-erakundek babesten dute (Doneztebe, Lesaka, Baztan eta Bera), eta Prestakuntzarako, Birziklapenerako eta Enplegurako Nafarroako Institutuko Sustapen eta Garapen Unitatearen aholkularitza teknikoa du.
Eremuko 15 lagun prestatzen ari dira komunitate-dinamizazioaren eta turismoa suspertzearen inguruan. Asmoa da, prestakuntza bukatzerakoan, gai izatea kultura eta turismo-proiektuak dinamizatzeko eta kudeatzeko, eta aukera izatea lan-merkatuan txertatzeko turismo eta kultura lantzen dituzten enpresen edota toki-erakundeen bitartez.
Prestakuntzak iraunen dituen sei hilabete horietan, enplegu-tailerreko ikasleek zenbait prestakuntza ikagai jasoko dute, hala nola Komunitatearen dinamizazioa( Metodologia, teknikak eta tresnak, elkarteei sostengua, eta turismoa suspertzea (turismoa suspertzeko proiektuak, aisia-egoeratan daudenen artean taldeak sortzea eta dinamizatzea, jolas-jarduerak eta jarduera fisikoak eta ludikoak turismo-animazioan, eta tailerrak eta kultur jarduerak turismoa eta jolasak suspertzeko).
Parte hartzen ari diren ikasleek praktikak eginen dituzte hainbat erakunde, elkarte, eta abarretan.