Hiru urteko ibilbidearen ondotik, desegin egin da Komando Castaña musika taldea. Taldea 2008an sortu zen Arizkunen, eta geroztik hainbat kontzertu eskaini dituzte bai Baztango herrietan eta bai kanpoan ere: Beran, Zizurren, Donostian, baita Andaluziaren ere. Punk eta ska estiloko musika egiteagatik egin dira ezagun.
Joan den urte hondarrean, ordea, agur erratea erabaki zuten Zubiri (ahotsa), Agirre (tronpeta), Mattin (gitarra), Andoni (baxua), Xuba (gitarra) eta Albarok (bateria). Ohar bidez jakinarazi dutenez, «2011 urte nahiko konplikatua izan da denendako. Bilera batzuk egin eta gero, erabaki hau hartu dugu. Beti ere, tunelaren bukaeran, ate ttiki bat geldituko da zabalik».