Baztango Udalak ikastaroa antolatu du udaleko langileei zuzenduta. Helburua langileak euskarazko administrazio-hizkuntzan trebatzea da. Izan ere, Udaleko langileak euskaldunak badira ere, euskararen erabilera aunitz handitu da udalean, eta gero eta gehiago dira euskaraz sortu beharreko dokumentuak.
Beraz, baztandarren hizkuntz eskubideak bermatzeko eta ahoz zein idatziz dokumentu guztiak euskaraz ere jaso ahal izateko ikastaro honen beharra ikusi du Udalak. Behar horri erantzuteko, ikastaroa antolatu du Baztango Udalak. Ikastaroa NAPIko (Nafarroako Administrazio Publikoaren Institutua) irakasle batek ematen du, udaletxera astean behin etortzen dena.
Udal bulegoetako 10 langilek hartu dute parte eta lehendabiziko saio honen balorazioa oso positiboa izan da.