Abuztuaren 19an bete zituen 150 urte Elizondoko Circulo de la Union Kasinoak eta hiru hilabete beranduago, azaroaren 19an, zaharberritze lanen inaugurazioa egin zuten bazkideek. 1861ean 40 bazkidek sortu zuten elkartea. Ordukoak eraikin ttiki bat izan behar zuen, eta karlistaden inguruan itxi eta irekiz ibili omen zen. 1882an inauguratu omen zen oraingo eraikina. Gaur egun, berriz, 120 bazkide ditu eta horien artean, zaharrena, Federico Valencia, eta gazteena, Agustin Sansiñena, izan ziren bi urteko lanak akituta, zinta moztu zutenak. Zuzendaritza batzordean Txuma Uriz da presidentea egun eta Pello Alaña ordezkoa; Jabier Alzuguren diruzaina, Jesus Miguel Egurrola idazkaria eta Luis Mª Ruiz, Juan Jose Arrizibita, Pedro Mª Landa, Esteban Ustariz, Gabriel Laborra eta Eduardo Zubikoa bokalak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun