Boto emaileekin asanblada egin ondotik, Zilbetitik Kintora doan tunelaren irteerari baiezkoa ematea erabaki du Ezkerrak. Hala jakinarazi du ohar bidez. 50 lagunek parte hartu zuten asanbladan eta idatziz, hurrengo Batzar Orokorreko gai ordenean sartzea eskatuko zuela jakinarazi du. «Kintoko Mankomunitatea tunelaren irteera egiteko harremanetan jarri zen eta hau NA 138 errepidearekin konektatzeko eskatuz. Modu honetan kamioiak ez lirateke Zilbetiko herritik pasako eta gainera, bidea murriztuko litzateke», dio Ezkerrak oharrean.