Lur eremurik ez duten eta baratzea egin nahi duten baztandarrentzat, kanpaina zabaldu du Udalak, Ingurumen Batzordeak proposatuta. Lurrik ez duten herritarrei aukera bat ematea da helburua, eta hortaz, norbaitek baratzerako lur zati bat nahi badu, udaletxean eman behar du izena. Izen-ematerakoan, lur eremua zein herritan nahi duen zehaztu beharko da eta zertarako nahi den ere bai, autokontsumorako, salmentarako... Abenduaren 13an akituko da horretarako epea.
Behin izena emateko epea itxita, horren arabera zehaztuko da lurren kokapen egokia.