Nafarroako goma gaineko sokatira txapelketaren bigarren jardunaldia jokatuko da azaroaren 19an, larunbat arratsaldeko 18:00etatik aitzinera Elizondoko Baztan frontoian.
Zortzinaka, gizonezkoen 640 kiloko kategorian eta seinaka, 420 kiloz beheitiko txapelketa mixtoan ariko dira. Gizonezkoetan, Amaiur, Berriozar, Basaburua-Imotz eta Txantrea lehiatuko dira. Talde mistoetan, berriz, Amaiur, Sakana eta Basaburua-Imotz. Arbizun jokatutako lehen saioan, kategoria batean zein bertzean Amaiur nagusitu zen.
Azaroaren 27an, igande eguerdian Berriozarren eta abenduaren 3an, 17:00etatik aitzinera Igantzin jokatuko diren saioekin akautuko da aurtengoz Nafarroako sokatira txapelketa.