Gezurretan segituz gero neurriak hartuko dituela ohartarazi dio Udal Gobernuak NaBairi

Udal ordezkarien dietak eztabaidatzeko, irai­lean Udalak egin zuen ez ohiko ba­tza­rrak zer erra­na ematen segitzen du.

Udal Gobernuak (Bildu eta Ezkerra) bere­ garaian jakinarazi zuenez, 2008 eta 2010 artean hau­tetsien asignazioetan «irregulartasunak» izan ziren eta horiek zuzentze­ko erabakia hartu zuen irailaren 20ko bilkuran Udalak, Bilduren, Ezke­rraren eta NaBai 2011ren botoekin. Ho­rren ondotik, NaBai irailaren 20ko akta onar­tzearen kontra azaldu zen, asignazioen gaia aktan nola jaso zen ez zelako ados gelditu. Eta horri ho­nela eran­tzun dio Udal Gobernuak: «irai­laren 20an ez ohiko bilkura egin zen, eta Bil­du, Ezke­rra eta NaBairen al­de­ko bozkekin proposamena onar­tzea erabaki zen, egun horretan egindako ez ohiko osoko­ bilkuraren aktan eta grabaketan ageri den moduan. NaBaiko zinego­tziak ez zuela proposamenaren alde bozk­­a­tu dio eta hori gezurra da».

Udal Gobernuaren arabera, «NaBaiko zinegotziak proposamenaren alde bozkatu ondotik, urria­ren 3ko bilku­ran, dieten bilkuraren akta onartu behar zelarik, alde batetik hanka sartu zuela erran zuen, eta ber­tzetik, hori zuzen­tzeko, bilkuran ez zuela alde boz­­katu erran­ zuen, eta ez zuela akta onartzen».

Dieten ez ohiko osoko bilkuraren inguruan, NaBaiko zinegotziari sententziaren informazioa eman zitzaiola dio Udal Go­bernuak, «aztertu eta bere iritzia finkatzeko asti askirekin. Orain dio ez zuela informaziorik izan». Eta horren harira, haute­tsi batek «ge­zu­rrak erratea aski la­rria dela» iritzi dio Udal Gobernuak: «bere lan politikoa guztiz ez­baian paratzen du, bere gaitasun falta nabarmen utzi bidenabar».

NaBai-ren erantzuna

Udal Gobernuaren adierazpenen aitzinean, NaBai 2011k «biziki deito­ra­tzen» duela erranez erantzun du.

NaBairen erranetan, «tamalez ez da lehen aldia Bil­duk eta Ez­ke­rrak Gobernu Batzor­de Udal organoaren izena Korporazioko zinegotzi baten aurka egiteko erabiltzen dutena. Gobernu Batzordea edo­zein­ udal taldek parte har dezakeen organoa izanik, eta bertan NaBai 2011 parte izanik, ezin da inolaz ere onartu organo hau Udaleko gobernua osa­tzen duten taldeekin nahastea». Hori hala egiteak «argi erakusten du Udal antolaketaren eze­zagu­tza edo, ber­tzenaz, eta larriago, agin­tekeriaz­ko jokamoldea».

NaBaik «izugarri larri­tzat» jo du «Udalaren izenean Kor­porazioko zinegotzi baten kontra irainak plazaratzea. Errandakoak gertaeren isla fidela ez izateaz gain, Pello Iriarte­ zinegotziaren izen ona eta gaitasuna zikindu nahi da maltzurki». Kasuari dagozkion neu­rriak har­tzeko eskubidea badutela ere gaineratu dute­.

Iriartek zinegotzien dietei buruzko bilkurako akta ez onar­tzearen ingu­ruan, zera argitu nahi du NaBaik: «alde ez ager­tzeak ez du erran­ nahi kon­tra bozka­tzea, bada abstenitzeko aukera ere, kasu honetan izan dena». Ber­tze­tik, una­nimitatea guz­tien ados­tasuna dela gogora­ratu du: «Oso­­ko Bilkurako bozketatik alde egin duten zinego­tzien bozka, legez, abs­ten­tziotzat jo­tzen da. Honi gehitu behar zaio NaBai2011ko zinego­tziaren absten­tzioa. Akordioak zaz­pi boto alde eta sei absten­tzio izan zituen, hots, botoen %54 alde izan zen; ez %100».

NaBairen ustez, «eraso zital honekin Bil­duk eta Ezkerrak estali egin nahi dituzte afera eztabai­da­­tzerakoan izandako in­for­mazio falta eta pro­ze­du­razko hutsegite larriak­; eta polemika fa­ltsu baten gibelean ezkutatu nahi dute Baz­tango garape­na susta­tzeko proposamen gabezi absolu­tua».

Udal gobernuaren erantzuna

NaBairen azken oha­rrari bertze batekin eran­tzun dio Udal Gobernuak. Batetik, Iriar­tek proposamenaren alde bo­z­katu zuela azpimarra­tu du berriz: «ez zen abstenitu», eta osoko bilkurako akta eta bilkuran zegoen Diario de Nava­rrako kazetariaren bihara­muneko berria ho­rren lekuko direla oroitarazi dute. Ho­rren aitzinean, «gezurretan jarraituz gero, neu­rri politiko eta juridikoak hartzera behar­tuak egonen garela» ohartarazi du Udal Gobernuak.

Bertzetik, Baztango garapenaren inguruan proposamenik ez egitea egotzi ondotik, «Baztan erreka zokorat eraman duen NaBairen aldetik horrelakoak aditzea irrigarria dela» iritzi diote. «Udalaren kontuak kinkan utzi ondotik, eta hain­bat obra burugabetan sosa purrustan gastatu eta gero, –plazako eraikinean 800.000 euro baino gehiago, adibidez–, guztiz onartezina da kritika hau.

Oharrak­ Udal Gobernuaren izenean eginak direla ere argitu dute eta Na­Baik­ gobernu honetan parte har­tzeko gonbidapena uka­tu zuela azaldu. «Ber­tze gauza da Tokiko Gobernu Ba­tzor­dea. Hemen Udal Gobernuaren eraba­kiz, talde guztiak parte hartzera gonbidatu ziren eta NaBaiko zinegotzia kide da. Halere, NaBairi jaki­na­razten diogu edozein ka­sutan ateak zabalik daudela bai sartzeko eta bai ateratze­ko ere».

UDAL GOBERNUA

«Pello Iriartek proposamenaren alde bozkatu zuen eta horren lekuko dira akta eta bilkuran zegoen Diario de Navarrako kazetariaren berria»­.

NABAI 2011

«Eraso zital honekin Bilduk eta Ezkerrak estali egin nahi dituzte afera eztabaida­tze­rakoan izandako informazio falta eta hutsegite larriak»­.