Heldu den urriaren 22an hamabigarren edizioa beteko du Kirikoketa Bestak. Horren lekuko bihurtuko da berriz Arizkun, Jo ala Jo Kultur Taldeak egun osoko egitaraua antolatu baitu.
11:00etan ate irekiera
• Sagardoa eginen da Gamioxarreako Dolaretxean: sagar jotzea, estutzea, zuku dastatzea eta kupelaratzea.
• Lanak akitzean, kirikoketa jotzea eginen da.
• Lanak iraun bitartean, Nafarroako sagardoak dastatu eta taloak eta gaztainak jateko aukera izanen da. Karriketan barna, albokariak, gaiteroak, xulubitariak eta Independantz taldekoak.
14:30ean bazkari herrikoia
• Txartelak Intzan, Zubipuntan eta Dolaetxean salgai.
17:30ean gehiago
• Txalaparta, kanta eta dantza. Emanaldi ibiltaria izanen da herrian barna Kalakan, Independantz eta Hutsun taldeekin.
23:00etan kontzertuak
• Hiru talderekin kontzertuak: Zurbeltz (perkusioa, kantua, tresna tradizionalak...), Ufestuek (punk/rock, diskoaren aurkezpena) eta Piarres (Euskal Disko Fever 80’s).