Euskara hutsean lan egiten duten hamabi irrati, tartean Xorroxin irratia, sakeleko telefonoan entzuteko aplikazioa sortu du Hendaiako Antxeta irratiak, Berria Bekarekin jasotako dirulaguntzarekin. Uhinbak du izena aplikazioak eta eskaintzen dituen zerbitzuak baliatzeko multimedia edukiak erreproduzitu eta Interneten nabigatzeko prestatuta dagoen sakelekoa behar da eta horrekin batera, Interneterako konexioa. Uhinbak instalatzeko eta informazio gehiagorako sartu webgune honetan: www.uhinbak.eu.