Elizondoko San Frantzisko Xabier eskola publikoko Guraso Elkarteak, hezkuntza publikoaren egoera aztertzeko bilera informatiboa antolatu du urriaren 17an, astelehen arratsaldeko 17:30ean, nahi duten guraso guziendako irekia.
Guraso Elkartearen oharrak dioenez, “zu kaltetua zara hezkuntza publikoaren murrizketengatik. Gure seme-alabendako hezkuntza hoberena nahi dugu. Dagoeneko hipotekatu dugu gure oraina, ez dezagun hipotekatu ere haien etorkizuna”.
Urriaren 17an, astelehen arratsaldeko 17:30etik aitzinera Elizondoko San Frantzisko Xabier eskolako zine aretoan hitzaldi bat izanen da, Herrikoako lehendakaria den Santiago Alvarezekin. Hitzaldi honetan hezkuntza publikoaren egoera zein den azalduko da, baita krisi ekonomikoaren aitzinean honen etorkizuna zein den ere azalduko da. Guraso Elkartetik jakinarazi dutenez, haurtzaindegi zerbitzua ere izanen da.